Moisa to Pekurehua

Tampo Pekurehua hai tauna au mopaidai

     Tampo Pekurehua iami hambua ngamba au maemba, i Propinsi Sulawesi Tengah, Kabupaten Poso hai tekira mewali talu poparentaa kecamatan iami: Lore Utara, Lore Timur hai Lore Peore,  i lalu talu kecamatan ide ara kira-kira rompulo labi boea(desa) . Ngamba ide ara i kapangkana hasabu ualu atuna  mete (1800 mdpl)  hangko i tahi ido pongkana i ngamba bara mapana.

sou Tambi

GorobaGoroba

Pada i PekurehuaPada

 

          Tauna au maida i ngamba  ide kira-kira  21.000 (rompulo hai isa sabuna) kabosana. Pitu pulona hai lima parase topekurehua ntepuu, pelabiana iamohe tohandarena. Agaiana ina ope tauna mpake basa Pekurehua ane mololita. Pekurehua iami ngamba au meawa hai marudu tampona, ido hai kabosaana topekurehua tuwo mobonde,  ide-ide ngkaia wua tuda-tuda au peisa ralambi i tampo Pekurehua nodo: halo-halo, kopi, coklat, kulagoa, gogoa,  tamate, lehune malei, pare hai mampopenga mani.

hahawi

pare

kolo

        Hangkoia hangko damani tauna moisa Agama kabosana moanitu manihe (mampenombai au mbero-mbero), hai ope-ope tauna tuwo natete ada au ratingku maroho ope-ope to Pekurehua, nodo ada posamboko, ada mpowia hai mapopenga mani.  Agaiana i tempona agama (Ngkorana Marasa) mesuami  i ngamba Pekurehua melempo i hadua tuduaNa  A.C. Cruyt. kira-kira pare 1907(Tim Pengkajian berdirinya Jem.Eklesia Wuasa),  bosa tauna au mokabahami anitunda hai meulamohe i Pue Yesu, nauri nodo aramani ada au ratingku maroa mewali pekingkianda to Pekurehua, nodo ada pohamboko, modupa torare (Ada pepomahile/Pekasiwia). Iraoa hangko indo  ngkaia mani pakana au tebambari hangko i ngamba ide kana i paande, ada posusa, paida au makara, musi, dondi.

           Ide-ide ngamba Pekurehua mewalimi hambua ngamba au tolele, merae hai maroho lawi  ngamba ide raaro tauna au maroho pombeadainda, pombeholoinda hai pohintuwunda, kehapiri ara worihe tauna au bara hampepepoinalai, bara hamboea-mboea, bara himbela basa,  tuwo sambela i ngamba ide.

          Ope-ope ide tauli ngkaia kamaroana i topehia mpokarawe au bulami laluNa mokiraiaa to Pekurehua tampo au meawa rapaidai, hai ide-ide topekurehua molambihe pewati au mahile hangko i Pue, lawi peisamohe mobasa, mampehadingi ba mnonton (Felem Yesus) Ngkorana Pue hangko i basanda haduduanda lawi arami Sura Malelaha basa Pekurehua, Audio Alkitab, Nani Basa Pekurehua hai felem Pue Yesu.